Azərbaycan Yazıçılar Birliyinin ədəbi orqanı “Ulduz” jurnalının növbəti nömrəsi çapdan çıxıb.

Üç yüz nüsxə tirajla çap olunmuş jurnalın ilk səhifəsində tanınmış ziyalı, “Kaspi” qəzetinin təsisçisi, Əməkdar Jurnalist Sona Vəliyevanın “Ekspet rəyi” rubrikasında jurnalın sentyabr nömrəsi haqqında qeydləri verilib.

Nəşrdə tanınmış ədəbiyyat, incəsənət, mədəniyyət xadimləri ilə yanaşı, sənətdə yeni addımlarını atan şair, yazıçı və tərcüməçilərin, eyni zamanda, xarici ədəbiyyat nümayəndələrinin yazıları işıq üzü görüb.

Jurnala əlavə kimi Xalq Yazıçısı Çingiz Abdullayevin “Manipulyator” kitabı dərc olunub.
Jurnalın baş redaktoru Qulu Ağsəsdir.