Şairə Sevinc Çılğın ilk hekayələrini oxucuları üçün imzaladı. “Yumurta” adlanan kitabda onun müxtəlif dövrlərdə yazdığı 13 hekayəsi toplanıb.

“Park Bulvar” ticarət mərkəzindəki “Əli və Nino” kitab mağazasında baş tutan təqdimatda Sevinc Çılğın deyib ki, “"Yumurta" onun nəsr yaradıcılığının "yumurta dönəmində" yaranan kitabdır. Bu yumurtadan İNSAN doğulacağına inanır: "Bütün başlanğıclar maraqlıdır…"

Kitab "Cift" və "Döl" adlı iki hissədən ibarətdir. Bu bölmələrə uyğun olaraq yazarın ilkin və sonrakı hekayələri verilib.

Kitabdakı hekayələrin mövzu və üslubları bir-birindən fərqli olsa da, qəhrəmanları əsasən qadınlardır. /oxuzali.az/