Mədəniyyət Nazirliyi tərəfindən Rusiyanın xalq artistinə qanunsuz ödəniş edilib.

Bu barədə məlumat Hesablama Palatasının 2020-ci il audit hesabatında yer alıb.

“Bağlanmış müqavilədə xüsusi hallar nəzərdə tutulmadığına görə Azərbaycan Dövlət Rəqs Ansamblının yeni konsert proqramının hazırlanması və kollektivdə islahatların aparılması ilə əlaqədar Rusiyanın Xalq artistinə 5 ay 15 gün müddətində Bakı şəhərində olmadığı halda, onun bank hesabına 26 min 232 manat 30 qəpik, mənzilin kirayəsinə görə isə icraçıya 7 min 200 manat artıq vəsait ödənilib”, - deyə hesabatda qeyd edilib. /Oxu.az/