Bu gün “İçərişəhər” Dövlət Tarix-Memarlıq Qoruğu İdarəsində 9 noyabr - Dövlət Bayrağı Günü münasibəti ilə İdarənin “Elmi-Mədəni Mərkəz"i tərəfindən təşkil olunmuş dəyirmi masa keçirildi.

Elm şöbəsinin müdiri İradə Musayevanın moderatorluğu ilə keçirilən tədbirdə AMEA-nın Nizami Gəncəvi adına Ədəbiyyat İnstitutunun Azərbaycan-Asiya ədəbi əlaqələri şöbəsinin müdiri, filologiya elmləri doktoru, “Türkçülüyün üçlü formulu: nəzəri və tarixi aspektləri” adlı kitabın müəllifi professor Bədirxan Əhmədlinin mövzuya dair məruzəsi dinlənildi.

Daha sonra Folklor İnstitunun Beynəlxalq əlaqələr şöbəsinin müdiri Əli Şamil, “İçərişəhər” Dövlət Tarix-Memarlıq Qoruğu İdarəsinin sektor müdiri professor Kamil İbrahimov çıxış etdi.