Kitabevim.az kitab marketində “Hədəf” Nəşrlərinin 5 illiyi münasibəti ilə tədbir keçirilib.

Tədbiri giriş sözüylə “Hədəf” Nəşrlərinin təsisçisi, Nizami adına Ədəbiyyat İnstitutunun direktor müavini, filologiya üzrə fəlsəfə doktoru Şəmil Sadiq açıb. “Hədəf” Nəşrlərinin son beş ildə keçdiyi yola nəzər salan təsisçi nəşriyyatın yaradıcı kollektivinə uğurlar arzulayıb.

Daha sonra çıxış edən “Hədəf” Nəşrlərinin direktoru, yazıçı Müşfiq XAN nəşriyyatın 5 illik fəaliyyətindən, həyata keçirdiyi layihələrdən danışaraq, gələn qonaqlara təşəkkürünü bildirib.

Qonaqlardan “Altun kitab” nəşriyyatının direktoru Rafiq İsmayılov, “Alatoran” yayınlarının rəhbəri Rasim Qaraca, “Hədəf” Nəşrlərinin ilk direktoru Emin Sadıqov, “Hədəf” Kurslarının filial rəhbərləri və direktor müavinləri çıxış edərək nəşriyyatın kollektivini yubiley münasibəti ilə təbrik edib.

Tədbirdə Nəşriyyatın kollektivi diplomlarla və pul mükafatı ilə mükafatlandırılıb.


Avanqard.net