Avanqard.net gənc şair Vasif Əlihüseynin “Süpürgəçi qadın” şeirini təqdim edir.
 
Üzünü bu şəhərdən gizlədib.
hər sabah yolları
süpürən anam
 
Baxışındakı  gileyi
süpürə bilməyəcək zaman
gözlərindən
və bir də
alnındakı qırışları
ütüləyə bilməyəcək
 
Qulaqlarını tutmuş
tıxaclı maşınların siqnal səsləri
ürəyində sadaladığın
ehtiyacların sırasını
poza biləcəkmi?!
 
Ən yaxşısı
gedək kəndimizə
qapı-bacamızı süpür
bir də
sıyır yaşmağını
kəndimizə üzü açıq bax
 
və unutma
şəhərdən gətirdiyin
küçə adlarını
çünki qəhramanlar unudulmur