ÜRƏYİM QURAQDA QALIB

Ürəyimə yağmır yağış
Ürəyim quraqda qalıb.
Hamıdan uzağa gedib,
Hamıdan uzaqda qalıb.

Güçü yoxdu güc verməyir,
Cücərdən yox, cücərməyir,
Heç kəs onu becərməyir-
Əkindən  qıraqda qalıb.

Gözə dəyməyir görələr,
Ələ yetməyir dərələr,
Dərib bir qıza verələr,
Elə künc, bucaqda qalıb.



Bu gecə üzün gecədi

Bu gecə oxşayır sənə
Sənin kimi qaranlıqdı.
Mənim bəxtim səhərədək,
Ya o yanlıq, bu yanlıqdı.

 Acılacaq bu gecədə
Açılmayan mən olacam.
Mən olacam uzaqlarda,
Elə mənsiz sən olacan.

Gələn gecəni gözləyib,
Qaranlığa tələsəcən.
Sən mənə tərəf gələcən,
Mən səni heç görməyəcəm.

Bu gecəni sərib yerə
Üstündən adlamaq olmur.
Yada bir kənara qoyub,
Nə büküb, qatlamaq olmur.

Bu gecə uzun gecədi
Uzandıqca uzanacaq.
Ha qaçsaqda çatanmarıq,
Yolumuz yolda qalacaq.