Mən səni unudacam

Mən səni unudacam!

Quşların uçmağı unutduğu gün.

Mən səni unudacam!

Göyqurşağının hər gün çıxmağa başlayacağı gün.

Mən səni unudacam!

Kəpənəklərin ömrü uzanan gün.

Mən səni unudacam!

Ulduzlarla şam ağacını bəzəyəcəyim gün.

Mən səni unudacam!

Qarğıdalı dənələri rəngli-rəngli partlayanda.

Mən səni unudacam!

Günəbaxanın ləçəkləri rəngbərəng açanda.

Sərçələr köç edib gedəndə.

Unudacam səni

Unudacam...

       6.12.2012

                           Ad günü

Hər il yeni il

Mənim doğum günümdən başlayır.

Mənim üçün...

Yaşım artır bilirəm...

Böyüyürəm?

Hiss etmirəm.

Çantası özündən böyük uşaq kimiyəm.

Həyat bu ilində hər gününə

Hədiyyə bağışlayıb.

Bilirəm hədiyyə qutularından

Bir-iki bir-birinə bənzər

Sevinc çıxacaq.

Qalanlları böyük-böyük,

Orjinal kədər olacaq

Qırmızı lentli,

Şıq-şıq çığaralı bağlamada.

Tələsmə!

Hədiyyələrə baxmağa vaxtımız bol olacaq...

                             6.12.2012

                           Bircə uşaqlar bilir

Bircə uşaqlar bilir

Kimi nə qədər sevdiyini.

Dağ boyda,

Pəncərə boyda,

Səma boyda.

Həyat üçölçülüdü...

Mənim ümidim dağ boyda,

Səbrim pəncərə çərçivəsi qədər balaca,

Sevgim səma qədər sonsuz deyil.

Ölçüyə gəlməz ölçülər bu dünyada yoxdu...

Burda riyaziyyat keçmir.

Burda ölçülər öz-özünə dəyişir.

Tez-tez...

Burda zaman yoxdur ki,

Vaxt ötdükcə yaralar qaysaxlasın.

Zaman böyümək üçündü.

Böyüdün...

Zamanı lazımsız əşya kimi at getsin!

Heç nəyi zamana buraxma

Zamanı həyatın caynağına at.

10.12.2012

Mənə 4-cü günə kimi vaxt qoymuşdun. Yadındadı? Aradan gör nə qədər 4-cü gün keçib, amma yenədə hərdən 4-cü gün yaxınlaşanda qorxuram. Fobiyalarımı tanıyırsan. Onların ucbatından çox şeyi və çox adamı itirmişəm, amma heç vaxt bilməzdim ki, sevdiyin adamı itirmək qorxusu adama cəsarət verə bilər.Hər şey sənin mənə vaxt qoymağınla başladı. Həyatımın hər açılan 5-ci gününə görə təşəkkürlər! Nə yaxşı ki, varsan.

                             4-cü gün

4-cü gün

Cümə axşamı

Vaxtın bu qədər azdı

Tələs!

Heç kim bilmir

Neçə cümə axşamı atladacaq.

Səndə, məndə...

Fobiyalar cəhənnəm olsun!

Sevdiyin adamı itirməklə yanaşı

5-ci günü itirmək var.

Qorxma itirməkdən

Sən ki, onu yağşı tanıyırsan...

Çox şey itirmisən bilirəm...

əlində qalan azı sıx

bərk-bərk sıx.

Həyat budur

Hamı çox şey itirməlidir.

İtirir...

Sonra hər şey yaxşı olacaq

Dünya bu qədərdə insafsız deyil

Sənədə nəsə qalacaq.

Fobiyalarını 4-cü gündə basdır,

İtirdiklərinin üstünə gül səp gəl.

5-ci günün mübarək...

10.12.2012