Qanun nəşrlər evində  5 yeni kitab satışa göndərilib. Bu Ünver Oralın “Qaragöz Əmi” adlı nağıllar seriyasından “Yol Polisi”, “Uşaq Parkında”, “Evdə”, “Gəzintidə”, “Çərpələng Şənliyində” adlı kitablarıdır

Uşaqların və böyüklərin qəhrəmanı olan Qaragöz yeni sərgüzəştləri ilə sizi həm güldürüb əyləndirəcək, həm də düşündürəcək. Əslində, Qaragöz bizi güldürmək üçün çox səy göstərmir. Səmimi olduğu üçün hamı onu çox sevir. Çünki o, necədirsə, elə də danışır və yaşayır. Bütün bu səmimiyyətinə görə o, nə qədər kasıb, işsiz-gücsüz və qaba olsa da, hamının könlündə taxt qurmağı bacarır. Adını eşidən kimi istər-istəməz dodaqlarımıza təbəssüm qonur, ürəyimiz açılır.
Onda gəlin gözü uzatmayaq. Bağışlayın, sözü uzatmayaq deyəcəkdim.
Bu Qaragözə halal olsun, bizi də özünə oxşatdı.
Gəlin açaq səhifələri,   oxuyaq yazılanları. Görək Qaragöz neyləyib, sözü necə söyləyib.