Milli Teatr Gününə hazırlıq işləri başlayıb.

Azərbaycan Teatr Xadimləri İttifaqı 10 mart - Milli Teatr Gününə hazırlaşır. Bu münasibətlə ittifaq rəhbərliyi Mədəniyyət və Turizm Nazirliyi ilə birlikdə Tədbirlər Planı hazırlayıb.

Həmin gün Teatr Xadimləri İttifaqının rəhbərliyi Fəxri Xiyabanı vı Şəhidlər Xiyabanını ziyarət edəcək. Habelə, teatrla bağlı müxtəlif tədbirlər, tamaşalar keçiriləcək.

Bundan əlavə, Teatr Xadimləri İttifaqı görkəmli balerina Qəmər Almazzadənin 100 illik yubileyi münasibətilə tədbir də keçirəcək. Yubiley tədbiri martın sonu, aprelin əvvəlində olacaq. /report.az/