AMEA-nın Nizami Gəncəvi adına Ədəbiyyat İnstitutunun Orta əsrlər Azərbaycan ədəbiyyatı şöbəsinin müdiri, filologiya üzrə elmlər doktoru Fəridə Əzizovanın “İmadəddin Nəsimi – tədqiqlər, məqalələr, məruzələr” kitabı “Elm” nəşriyyatında işıq üzü görüb.
İnstitutdan AZƏRTAC-a bildirilib ki, nəşrdə şairin həyatı, doğum və vəfat etdiyi məkan, eləcə də orta əsr və nisbətən yaxın dövr müəlliflərinin verdikləri digər bioqrafik təfsilatlar haqqındakı ən müxtəlif fikirlər araşdırılıb.

Kitabın elmi redaktoru AMEA-nın birinci vitse-prezidenti, akademik İsa Həbibbəylidir.