Azərbaycan musiqiçiləri “Pekində görüş-2015” beynəlxalq incəsənət festivalında ölkəmizi təmsil edəcəklər.

İldə bir dəfə keçirilən və müxtəlif xalqların mədəniyyət mübadiləsini təşviq etmək məqsədi daşıyan festival çərçivəsində mayın 31-də Bakı Musiqi Akademiyasının professoru, xalq artisti, dirijor Yalçın Adıgözəlov, “Qarabağ” muğam üçlüyü - xalq artisti Mənsum İbrahimov, tarzən Elçin Həşimov, kamança ustası Elnur Əhmədov, habelə müğənni Vüsalə Rəcəbova və nağara ifaçısı Siyavuş Kərimov çıxış edəcəklər.

Professor Yalçın Adigözəlov konsertdə Çin Milli Opera və Rəqs Dram Teatrının simfonik orkestrinə dirijorluq edəcək. /Azərtac/